Roodaad e Qafas Yaad, Na Andaaz e Fughan Yaad
Jo Beet Gai, Beet Gai, Ab Wo Kahan Yaad
Tum Bhool Gae Hum Ko To Is Me Kya Taajjub
Is Daur Me Karta Hai Kise, Kaun Kahaan Yaad
Kafi Thi Tabaahi Ke Liye Gardish e Dauraan
Tum Aise Me Kiu Aaye Aey Jaan e Jahan Yaad
Apne Se Raqabat Ka Ye Aalam Hai Ke Tauba
Hum Bhool Gae Khud Ko, Wo Aye Han Jahan Yaad
Maazi Ke Dareeche Se Kabhi Jhaank Ke Dekho
SHAYAD Tumhe Ajae Mera Naam o Nishaan Yaad
No comments:
Post a Comment